申請科技券計劃資助12問

TVP科技券

TVP科技券知多啲

政府係2016年推出左科技券先導計劃,本來2019年11月就到期,但今年不單止將計劃恆常化,仲由本來20萬加碼到40萬,政府資助中小企多啲用科技,都係想香港商界增強科技應用,提升番個競爭力,唔好落後於人。計劃最初推出時,被人成日鬧話好難申請到,淨係攪文件野都攪成大半年,咁署方都有聽下民意,將個申請流程簡化左,只要了解一下,搵個好似Autus商助咁好既科技券顧問,申請都唔會有太大難度既!

若對科技券申請資格及所需文件有任何疑問,歡迎聯絡Autus商助TVP科技券顧問 (+852 2129 0104)。

【科技券40萬】⭐️點樣申請科技券,得到40萬資助呢?⭐️1️⃣ 證明實際商業運作提供商業登記、MPF供款證明、發票等2️⃣ 寫好科技項目計劃書確保擬展開的科技項目與業務有關,預算合理和可行3️⃣ 交齊資料答好問題協助創新科技署明白以上一切4️⃣ 批核及展開項目根據已獲支持的計劃展開項目5️⃣ 完成及遞交報告完成項目,並遞交最後報告確認效能,以及提交核數報告證明已付清有關費用😎咁創新科技署就會發放項目整體費用既三份之二俾申請企業,最高資助40萬港元🎉🎉🎉🅰️Autus商助專業顧問以客為先,做到真正的專業服務,只收取固定費用,絕不瓜分客戶權益。💪💻歡迎登上Autus商助網站了解更多⬇️⬇️⬇️⬇️https://autuscon.com/tvp#Autus商助 #政府資助顧問#科技券 #TVP

Posted by Autus 商助顧問服務 on Tuesday, October 29, 2019

 

問題1:我公司岩岩開業無耐,可唔可以申請科技券?

科技券計劃最初推出時係規定公司要成立1年以上先可以申請,後來就取消左,所以理論上公司岩岩開業係可以申請科技券架啦。不過科技券既申請資格係「持續既實際業務」,咁商務上一般我地都會以三個月為持續既起步點,例如要提交過去三個月既銀行收支紀錄,所以Autus商助顧問都會建議起碼有三個月營運先好申請科技券。

延伸閱讀:TVP科技券申請流程

問題2:我諗住用科技券出糧交租,咁又得唔得呢?

唔得架,日常支出,例如出糧、供強積金、交租、水電煤雜費、宣傳推廣之類,唔屬於科技券既資助範圍,話明科技券,資助項目係公司既科技系統,例如網站糸統、手機App、預約排隊、企業資源管理ERP之類,如果只係諗住用科技券買電腦用,裏邊只係裝個Office做下文書處理,咁科技券都唔可以支持架。

延伸閱讀:一文看清科技券申請重點

問題3:科技券資助有乜野限制?

  • 科技券最多可以申請4次
  • 政府最多補貼項貝使費三份之二,以40萬為上限
  • 每間企業最多可獲得40萬
  • 項目要係12個月之內完成
  • 同一時間只可以進行一個科技券項目

問題4:科技券批錢既準則係乜?

創新科技署收到科技券申請後先會核實公司既資格同做初步評估,跟住就會交俾科技券計劃委員會評審,準則如下:

  • 想做既科技券項目同申請企業業務係咪相關
  • 項目既預算係唔係合理
  • 項目推行既細節係唔係合理
  • 科技項目供應商有無一啲不良既紀錄

延伸閱讀:100%申請成功的科技券項目

問題5:如果公司申請緊其他政府資助,咁仲可唔可以申請科技券?

首先,同一個項目唔能夠得到雙重補貼,如果你計劃既項目已經申請緊或者申請左其他政府資助,就一定唔可以再用來申請科技券。另外我地顧問都會建議,如果申請緊其他政府資助,最好都係完成後先再申請科技券。

問題6:申請科技券有無截止日期 (Deadline)?

係無既,科技券全年都接受申請,而且科技券已經恆常化,所以無截止日期。反而BUD專項基金,無論係內地計劃定東盟計劃,都會以季度為截期,即係3、6、9、12月尾,先致一次過處理,錯過左就要等多3個月。

問題7:我自己申請科技券得唔得?

得既,企業當然可以自行申請科技券。科技券顧問每月都處理幾十單申請,累積左好多經驗,明白當局既要求,務求做到一擊即中,呢樣就係顧問既價值。正如打官司都可以自辯,唔一定要請律師,但專業既法律團隊會令你減少風險,增加勝算。

問題8:如果申請既項目係獨一無二,搵唔到3間報價,點算好?

只要詳細解釋清楚,證明到有關既技術係必需,而且獨一無二,咁就可以架啦。例如要八達通供應商,咁全世界淨係得八達通1個,你只要解到點解一定要用八達通就ok,又例如系統本身已經訂制好,而家要升級加新功能,咁好明顯只有原來既供應商先可以做到。

問題9:幾間供應商入面,我想要貴啲但好好多個間,得唔得?

政府既標準報價一般都係價低者得,科技券報價都一樣,如果真係要揀唔係最平個間,咁就真係要有極充份既理由,說服到主任點解值得俾多啲錢,過往都有個案係可以既,不過最終個審批權都係創科署到。

問題10:分階段既科技項目可以申請科技券嗎?

理論上係可以既,不過除非項目真係比較大,否則儘量唔好拆開申請。

問題11:如果科技券項目涉及跨境因素,可唔可以申請科技券?

科技券既申請資格寫明香港公司或非政府資助機構,有持續實際運作,就符合要求。至於公司既運作有幾多係香港發生,反而無甚關係,例如大陸廠房、外國銷售點咁,都唔會影響申請TVP既成功機會。

問題12:如果硬件設備係必需,咁科技券包唔包到?

只要證明到硬件或設備對系統來講係必需既話,科技券就會資助,例如食肆點餐系統就必需要有部點餐機,否則運作唔到,咁呢部點餐機就會係資助範圍入邊。

延伸閱讀:TVP科技券三招秘技傳授

Bonus問題:申請科技券要幾多時間?

一般Autus商助既客人由最初接觸到提交申請,大約要6星期。根據創科署既數據,平均需要80個工作日審批(試過最快13個工作日就批出),即大約16個星期,加埋上個程序,大約5個月。至於項目執行,可長可短,先當係3個月,之後提交報告大約3星期,最後批錢大約1個月,整個過程由申請到收到錢,大約9-12個月。

若對科技券申請資格及所需文件有任何疑問,歡迎聯絡Autus商助TVP科技券顧問 (+852 2129 0104)。

發佈留言

發佈留言必須填寫的電子郵件地址不會公開。 必填欄位標示為 *